السلام عليكم
عندي شوية نصائح من واقع تجربه أتمنى من أعضاء حلف النمور السود التماشي بها لما فيها من المنفعه في نطاق تكثيف الموارد وحفض قواتك ومواردك:
1- التركيز الأكبر في تطوير الموارد:
يعني أذا كان تبغى تنشأ مباني وقوات و مصانع و مستودعات إلى أخ.... عليك بتكثيف جهدك في تطوير مستويات الموارد يعني خلي شغلك الشاغل هو تطوير الموارد لأن إذا طوّرت من مستوى الموارد راح يزيد أنتاج كل صنف من الحديد والخشب والقمح والطين في كل ساعه مثل بدل ماننتظر ساعة عشان أطلعلي 60 من الطين أو حديد إلى أخره.. لا أطور من المستوى وخليه ينتج في كل ساعه 150 160 170 المهم قد ما تقدر حاول توصل الموارد إلى المستوى العاااشر وأنا ما أقول لا تطور من بعض المباني لا طور وخصوصاً المخبأ وهذا مهم جداً وراح أتكلم عنه في البند الثاني وخلي فيه توازن عشان تقدر تزيد من عدد سكان القرية وتقدر تضمن أنتاج محصول طيب.
2- تطوير المخبأ وهذا مهم جداً يا أخواان راح أضربلكم مثال:
أذا كان أنتاج المحصول من كل صنف 100 في الساعه ضرب 24 ساعة يساوي 2400 هذا محصول اليوم في الـ24 ساعة يعني لازم يكون عندك مخبأين على أقل تقدير يعني كل مخبأ راح يشيل الف من كل صنف عشان تضمن ما أحد يقدر يأخذ هذا الأنتاج في حال حدوث صطو على القريه والمخبأ عندما تنشأه يجب تطوير المخبأ حتى يصل إلى المستوى 10 عشان يشيل 1000 من كل صنف أذا ما وصلته إلى 1000 ماراح تضمن الألف وهاكذا مخبأين يشيل 2000 بالطريقه هذه نضمن محاصيلنا في خلال 24 ساعه.
3- إذا كان عندك قوات جاء من يهاجمك وأنت ما تدري كم عدد قوات عشان تقاوم هذه القوه بالطريق هذه يا حبيبي شفلك أقرب قرية وأرسل جنودك عليها عشان تضمن حيات جنودك وإذا كان عندك مخبأ بعد ماراح يأخذ شي يعني راح يطلع بلا حمبص. وإذا كانت شايل هم كيف راح تضمن جنودك ما أحد يهاجمهم وأنت من فيه برضو أرسل الجنود قبل ما تخرج من القرية إلى قرية بعيد حسب الأحداثيات الموجودة مثال إذا راح تغيب عن قريتك حوال ثمان ساعات لازم ترسل قواتك إلى قريه تبعد حوالي 4 ساعات عشان تصل قواتك منها تنهب ومنها 4 ساعات جايه صارت 8 ساعات ويصل جنودك إلا أنت قد رجعت للقريه.
أتمنى لكم التوفيق
الأحد أبريل 27, 2008 2:01 pm